الرئيسية
أحدث الصور
سلسلتنا:
نبـــضات
رح نبدأ اليوم بأول حلقة منها إن شاء الله..
₪ عــثــرات ₪
كتار منا بحاولوا يلتزموا بشرع الله لكنهم بواجهوا عثرات..
ممكن: " تثنيهم عن المضي قدما " ..
هالعثرات ممكن تكون أصحابَك أو صحباتِك..
ممكن أهلك حتى..
يعني مثلا..
بتكون بدك تبدا مع ربنا صفحه جديده وتنسى اللي فات..
بيجي واحد من أصحـابك بحكيلك:
أو وحده من صحباتِــك بتحكيلك:
وانت وشطارتك (أو بالأحرى إنت وإيمانك ) يا بتوافق ع رأيهم وبتستنالك شوي لحديت ما تنهدي وتبطل تهمك هالعثرات..
لإنه الهداية بتيجي هيك بين يوم وليلة بتصحى من النوم بتلاقي حالك صرت إنسان جديد!!
سبحان الله!!
انت ما بتسعالها يعني..!!
بتيجيك لعند باب بيتك ..
كانه ربنا ما حكى:
"أي من شاء منكم الهداية من أرادها وسعى لها "
يعني انت اسعى للهداية، مثلا صاحب ناس أتقياء..
احضر دروس دينية
وشوف النتيجة..
يمكن تواجهك صعوبات بالبدايه كاختبار على قوة تحملك وثباتك..
وانت ما عليك إلا تكمل للوصول الى النور؛
نور الهدايه والحق..
شوف هالنموذج لانسان نوى الهداية..
لكن..!!!!
تعالوا نشوف...
كان شاعر من أفضل الشعراء اللي عرفتهم الجزيره العربيه..
سمع عن الإسلام وأراد الدخول فيه،،
وفعلا ما كذب خبر , توجه للمدينه المنوره مشتاق للنبي عليه الصلاة والسلام وليعلن اسلامه أمامه صلى الله عليه وسلم..
حتى إنه نظّم شعر بهالمناسبه ببيّن فيه فرحه وسعادته..
وفي الطريق اعترضه المشركين محاولين إغراؤه بمتع الدنيا حتى ما يدخل بالاسلام..
" فقالوا له: يا أعشى، إنه يحرم الزنا "
فقال: أنا شيخ كبير، وما لي في النساء حاجة ..
فقالوا : إنه يحرم الخمر ..
فقال : إنها مذهبة للعقل، مذلة للرجل ، ولا حاجة لي بها.. "
فلما شافوا إنه عازم على الإسلام ،،
" قالوا: نعطيك مائةَ بعير وترجع إلى أهلك ، وتترك الإسلام .. "
فصار يفكر في المال،، فـ شاف إنو ثروة كبيرة.. فاتغلب الشيطان على عقله .. والتفت إلهم وقال :
" أما المال .. فنعم "
شو صار بعدين يا ترى..؟!
نهاية غير متوقعة!!..
جمعو له مئة بعير ، فأخدها، و " ارتد على عقبيه!!!! " .. و رجع لقومه بكفره ..!!
واستاق الإبل " بمعنى ركبها ".. وهوي فرحان فيها ..
فلما اقترب من الوصول لبيته، وقع من على ناقته فانكسرت رقبته ومات ..
بشو نفعه المال..؟؟!!
بالله عليكم جاوبوني بشو نفعه؟؟
المال عثرة واجهته متل ما ممكن أصحابَك أو صحبـاتِك يكونوا عثرة بوجهك..!
انت بـ شو رح يفيدوك أصحابك لما ربنا يسألك عن صلاتك !!
وإنتي لما ربنا يسألك عن حجابك.....؟؟؟!!
شو رح تحكيله؟؟
في كتير عبادات ممكن انت ما تكون ملتزم فيها
فكر بالسبب رح تلاقي إنه السبب عثره!
رح تترك عثره تبعدك عن ربنا....؟؟ !!!
مجرد عثره.....؟؟!!
فكّر منيح و رح تلاقي الجواب..
₪ عـــثـــرات ₪
بنتمنى تكون حلقتنا نالت إعجابكم....
ادعــــولنا.......
